Bantu Penusah Moren Siga: Aram jampat enda milih BN,PKR,PAS,DAP,SNAP,STAR

Kena 28/04/2012 jam 10.00 malam dia apai, indai & aki ngagai Moren Siga Ak Guyang (Guyang Ak Seliong, Pudai Ak Ringkai & Jack Ak Musin) tu udah mati bebadi ba KM 30 jalai Sibu-Durin (Semak Sibu Jaya).Nitih ka report ba Borneo Post & Utusan Borneo, sida 3 tu ari Roban nuju ke Sibu Jaya laban deka ngagai pengawa ngetas ulit bala sida ya.Berita silik tau dipeda ba link tu :- http://www.theborneopost.com/2012/04/30/3-killed-while-changing-punctured-tyre/

Nyadi pengudah penusah tu dia niang Guyang & Pudai tu ninggal ka anak 4 iko ya nya :-

1. Moren Siga (21 Tahun, belajar ba UNIMAS,Tahun 1 Semester 2 ngambi course Human Resource).
2. Lavinaren Ani (17 Tahun, pom 5 Sains 1 ba SMK Kalaka).
3. Stella Mingat (16 Tahun, pom 4 Sains 2 ba SMK Kalaka).
4. Vklyn Beremas (14 Tahun, pom 2 ba SMK Kalaka).

Kami ngari Saratok Update ngenatai ka penyinu ngagai penusah ti nuntung sida sebilik.Siti mega penusah ba sida sebilik tu laban niang apai & indai sida tu nadai pengawa tetap (Pengawa di rumah panjai) dia bisi penanggol ba belanja sida 4 semadi tu nyambung pelajar kelebih agi ngagai Moren siga ti beguna ka belanja lebih agi.Nitih ka tanya kami ngagai Moren empu, dia ya bedau agi bulih bantu pelajar (Benung nganti approval bantu PTPTN).Laban ke siru enggau penusah sida sebilik tu dia Saratok Update merambu deka ngepun ka fund mantu sida sebilik tu.Nyadi kami ngarap ka sukong sereta tulong ari raban Saratok Update meri donation ba fund awak ka ngelempong ka mimit penusah sida sebilik.

Pulai ka fund ari Saratok Update tu ila, dia duit ari fund tu deka diberi in 'staggered' basis, nitih ka penyampau fund & guna sida tu dalam sebulan.Kebuah ngena chara tu laban awak ka sida sebilik tu ninting bulan source of money kena belanja sekula.Penerang ti silik pasal fund tu tau contact admins Saratok Update (Novert Shayne Ryan & Pete's Bujang).Terima kasih.

Acct no. for donation : 017 - 50 - 45050 - 7 (Hong Leong Bank Bhd) - Novert Sullang & Andrew Paul (Joint account).

'Let each of you look not only to his own interests, but also to the interests of others' - Philippians 2:4 ESV / 684

CREDIT: PETE BUJANG

NGARAP SEMUA ORANG SARATOK ENDA MILIH BANSA, PARTI POLITIK SERTA PENEMU SEGEMPUNG NULONG MOREEN SIGA DIKENA NAMPUNG PELAJAR SERTA BALA MENYADI IA. BESERAKUP MEH KITAI SEKALI TU NULONG MOREN SIGA.

JELAING AK MERSAT