Janji Ditepati: BN meri subsidi tayar RM520, PKR Saratok nyabak serabana BN nulong rakyat

Serakup deriba teksi temegahka penyiru perintah

KUCHING: Sebengkah bansal patut didirika ba laman Indu Opis Parti Sa’ati Rayat Sarawak (SUPP) ngambika semua deriba teksi muntang nganjung pom peminta baucher subsidi tayar RM520.Ketuai Raban Nembiak SUPP Tan Kai madah, raban nembaik SUPP deka mai pekara bekaul pengelantang nya ngagai renggat atas.

“Serakup teksi bisi minta ngagai SUPP, iya ngasuh kami nirika bansal ba laman Indu Opis SUPP ditu kena ngemuntangka pengawa nyadung pom nya.“Taja pia, kami deka nukuka pekara nya dulu, laban enggaika palan nya bisi dikena (ngatur pengawa bukai),” ku iya lebuh dikerandau pengarang berita kemari.

Dulu ari nya iya begulai enggau Sekretari Besai Pusat Raban Nembiak SUPP Wilfred Yap nyadung 150 lambar pom peminta baucher subsidi tayar (RM520) ngagai empat bengkah gerempung teksi ti nyengkaum Seraklup Teksi Bumiputera Pelilih Kuching; Serakup Deriba Teksi Sarawak; Serakup Teksi Bumi Kenyalang, Kuching enggau Serakup Teksi Pelilih Kuching.Nambahka nya Tan Kai madahka diri temegah ati ngagai Menteri Besai Datuk Seri Najib Tun Razak laban ti beratka deriba teksi di serata menua.

“Ba Kuching penatai pemisi deriba teksi diatu bepanggai ba penatai temuai. Nya kebuah kitai enda tau enda ngembuan perintah ti tegap baka diatu,” ku iya. Kelimpah ari nya iya madahka pekara sereta penanggul ti dikenataika deriba tauka serakup teksi deka dibai ngagai perintah.

Dini janji Pakatan Rakyat suba kelebih agi ba Saratok?Lapa nadai didinga agi deh.Maya bepilih baru ila baru mansut pia?Nasib Perintah Barisan Nasional ingat ke janji. Diatu untung amat driber taxi ba Malaysia buloih subsidi tayar RM 520 siku. Enti ngarap Pakatan Rakyat-PKR-PAS-DAP sampai mati meh enda tebulih.Janji bula aja dianjung ke rakyat. Ni janji YB Ali Biju ngelamatu deh? Didinga YB Ali Biju nadai kala ngabas rumah panjai area Krian ke alai nabur janji ngelamatu. Nama enda kebuah, bisi kait enggau janji enda ditepati kini. Taja pia YB Jelaing enggau BN Semampai nepat ke janji. Diatu semina YB Jelaing aja ke bejalai ke rakyat ba DUN Krian. Enda patut orang Saratok enda nyunting BN sekali tu. Anang arap ke PKR ke semina mai agenda Anwar Ibrahim.

                                                                 JELAING AK MERSAT

Read more: http://www.theborneopost.com/2012/06/28/serakup-deriba-teksi-temegahka-penyiru-perintah/#ixzz1zAERcKIJ